注意！步姿導致蘿蔔腿，有一半女士都有依個問題，希望你無份啦！

注意！步姿導致蘿蔔腿，有一半女士都有依個問題，希望你無份啦！

好多女性朋友都同小編呻對腳減極都係咁鬼粗，舊肉仲好似愈減愈硬，點都擺脫唔到兩條「蘿蔔」。明明又按摩又拉筋但過幾日又會打回原形，都咪話唔頭痕～對腳係用尼行路，所以其實步姿係好影響腿部肥胖依個問題，大家千其唔好咁行啊！

1. 內八字走

成日見到有啲女仔會有O型腿，原來係歸究於行路內八字。咪以為內八字行好似好Kawaii，但其實長期咁行會令到小腿肌肉越來越結實，仲會搞到微變形添！

2. 外八字走

上面講完O型腿，輪到講X型腿。有啲比較豪邁嘅女仔鐘意擘大對腳尼行，成隻蟹咁橫行霸道。唔好以為咁行好型，其實外八字行法會令到膝蓋逐漸向外，唔單止無哂氣質，仲會連腿型都變得核突。

3. 踢著走

踢著走時身體會向前傾，只有腳尖踢到地面，​​膝蓋一彎，腳跟就往上提。所以行路時腰部好少出力，似用小碎步行路。如果你有依個習慣，最好盡快改左去，因為係會令整個腿部變壯架。

4. 壓腳走

壓腳走係指雙腳著地嘅時間比提腳走嘅人長。因為行路時身體重量會成個壓左係腳尖上，然後再抬起來，重心唔平衡。長久下來又係會令腿肚肌肉越來越發達，蘿蔔腿自然出現啦。

5. 踮腳尖走

老人家成日話行路唔好「un下un下」，掂著腳尖走，在腳尖上會過於用力，使膝蓋因為腳尖用力的關係造成大象腿。

仲唔留意下身邊有冇朋友係咁樣行！