臉盲症發作啦！12對令人傻傻分不清嘅「撞樣明星」，到底你係邊個？

臉盲症發作啦！12對令人傻傻分不清嘅「撞樣明星」，到底你係邊個？

明星最怕同人撞樣，因為驚冇咗自己嘅獨特性，又怕會被人叫錯名，遇到咁嘅場面，都真係會幾尷尬～以下哩12對撞樣明星相信都曾經試過被人叫錯名嘅情況，完全會令人傻傻分不清呀！

女vs女

1. 鍾欣潼vs何超蓮（90%似）

鍾欣潼（呀嬌）同其他好友琴日同何超蓮搞咗個生日派對，呀嬌係派對後更係IG上載咗兩人咀咀照，並說：「Happy Birthday my little sister」！好多網友都紛紛留言表示兩人好似樣～

其實超蓮一向都好鍾意TWINS㗎！仲經常有去佢地演唱會支持～

兩個女神級其實都係屬於眼大大、瓜子細臉、鼻高，同樣都係擁有立體五官同精緻臉孔，難怪會被網民話佢地似兩姊妹啦～

兩人嘅私交都幾好，不時會約出嚟相聚！佢地出街時著上姊妹裝仲似樣呀！完全就係親姊妹呀～唔知SASA會唔會呷醋呢(笑)

2. 何韻詩vs盧巧音(85%似)

何韻詩同盧巧音哩一對相信冇人會覺得佢地唔似樣，其實細細個真係好難分到佢地邊個打邊個，兩人無論歌路、穿衣打扮、男仔頭嘅個性等都略為相似！所以細個認錯都難怪

之前有網民就有試過認錯盧巧音係何韻詩，誤以為呀詩係中山舉行演唱會，呀詩亦唔介意，仲係FB搞笑大方回應:「俾人認錯我係盧巧音咁多年，終於有人認錯盧巧音係我喇，yeah」

3. 劉嘉玲vs那英(99%似)相信每個人都一定會認錯過劉嘉玲同那英，兩位擁有超高嘅相似度！甚至好多人之前睇《中國好聲音》時都以為劉嘉玲上去教唱歌，不過其實那英先係華語樂壇天后级女歌手，而劉嘉玲則係香港著名電影女演員～

兩人都已經係娛樂圈中大姐級地位，將佢哋啲相併埋一齊睇時，你會發現無論咩角度，兩人嘅五官幾乎係一模一樣呀！唔講仲以為佢地係失散多年嘅孖生姊妹！

男vs男

4. 李治廷vs王力宏(90%似)

李治廷同王力宏絕對係相似度爆燈！李治廷初初出道時，都有好多人指佢同王力宏簡直就好似兄弟樣，佢每一個舉手投足都同青澀版嘅王力宏極為相似，更被網民猜測佢地可能有血緣關係～

其實兩位都係擁有標誌五官，外貌非常靚仔，更各有各嘅才華，完全就係女生心中嘅完美男神首選呀！

5. 森美 vs OTTO(90%似)

森美同OTTO擁有餅印嘅外貌，更有網友曾係討論區上載兩人相片，並舉行過投票問大家覺得佢地似唔似樣，不過有啲網友就會覺得森美靚仔啲，有啲認同OTTO靚仔啲，其實兩個都一樣樣，邊個靚仔啲又有咩所謂！（笑）

兩人有時都偏好以三七面角度影相，其實由三七面睇佢地會發現更加似樣，同失散多年嘅孖生兄弟根本冇分別～

6. 許志安vs杜德偉(95%似)

許志安同杜德偉俾人認錯事件，相信好多人都有聽過！事源係有位網民係自己fb寫:「喺球場見到杜德偉先生，不過條友好寸，叫佢杜生都唔啋人」但後來發現佢所指嘅杜德偉先生原來係許志安，許生完全就係躺著也中槍嘅感覺吧！

後來許志安亦搞笑地係自己FB轉載咗張相，仲表示:「你叫我杜生我點回應你呀阿哥」，令網民都哭笑不得呀！唔知Sammi見到杜生會唔會都覺得好似樣呢?

7. 劉德華vs江華(95%)

早前江華同劉德華相約見面後，江華就係自己微博上載咗兩張同劉德華嘅合照，令網民直呼好鬼似樣呀！其實劉德華同江華不論樣貌同舉動都好似樣，單係哩張照片就覺得兩位非常神似，即使已年過半百，但一樣都係男神度滿分呀！

其實江華同華仔以前係台上演出時，不論台風同甫士都真係好似，帥氣外表加型格台風完全吸納到一班忠粉～

8. 年輕麥長青vs林峰（75%）

幾年前就有眼利嘅網民發現到，麥包年輕時嘅樣同林峯都幾相似，引來大批網民熱烈討論！而哩個討論當然都被無綫留意到，無綫更於2010年《萬千星輝賀台慶》中被福祿壽三位去用年輕版麥長青同林峰嘅相似外貌做成當晚其中一個大熱話題～

其實兩人又未去到真係好似孖生兄弟，但成個形態同神韻又的確有幾分相似嘅～

男vs女

9.吳尊vs鍾嘉欣（99%）

鍾嘉欣一直都有被網友喻為女版吳尊，其實睇以下嘅合照，話佢地係兩兄妹都信，兩個無論臉型、外貌、五官都似都十足十呀！

幾年前兩位一齊出席活動時，鍾嘉欣仲捧著蛋糕祝賀吳尊嘅生日，兩位完全就係一對非常甜美而且顏值極高嘅兩兄妹呀！

10. 蔡一智vs黃心穎（99%）

身為宅男女神嘅黃心穎之前就試過上載咗張素顏相，點知除咗比網友大讚心穎靚女，有網友就發帖話「今日我終於知道黃心穎點解咁熟口面」，並同時上載歌手蔡一智嘅相，指出兩人非常相似～

網民留言笑指佢地好似失散多年嘅兩兄妹，黃心穎更應改名為蔡一穎～向來玩得嘅心穎bb當然唔介意，更大方回應：「哈哈竟然俾人識穿咗我哋兄妹的身份添。」

11. 達哥vs蔡思貝(95%)

其實達哥同蔡思貝都係臉尖瘦削型，所以可能咁就被眼利嘅網友找出相似嘅共通點～後來蔡思貝一直都被恥笑同達哥樣貌相似，更被改名戲稱為「蔡思達」！

蔡思貝後來亦有同「達哥」同場出席活動，更自言覺得同「達哥」唔太相似，雖然佢唔介意被指似達哥，但就介意被人改名為「蔡思達」，唔想將兩人名字混為一體～

男vs卡通 (100%)

12. 節目主持鄧梓峰vs反斗奇兵巴斯光年

就咁睇鄧梓峰，完全就係卡通版嘅巴斯光年，因貌似卡通人物「巴斯光年」而令到鄧梓峰成為唔少人嘅話題，唔講真係覺得巴斯光年係以鄧梓峰作為靈感呀（笑）～

而鄧梓峰見到巴斯光年後，亦好樂意同佢影相，仲幽自己一默，係微博分享並表示：「終於遇見呢位失散兄弟! How are you po!」

睇完咁多位明星撞臉樣，唔知你地又覺得邊個最似樣呢？

參考來源