港姐：邱晴張寶欣瘦身唔使靠節食

弗曬！

《2017香港小姐競選》十位候選佳麗在黃竹坑一間泳店以兩件頭運動泳裝示人。由於天雨活動移師到室內進行，由前港隊游泳代表蔡曉慧教授熱身拉筋技巧。現場所見十位佳麗身形甚弗，當中本來略胖的3號梁雯蔚（Sandy）、6號邱晴（Mandy）、10號張寶欣（Boanne）進步最大，身形明顯消瘦咗，身形變弗。冇節食照減磅現時119磅的6號邱晴透露按照營養師指示減磅，加上配合運動體重漸漸下降。問到可有節食？她笑說：「冇節食，因為近排綵排所以都要食嘢，唔想排排嚇喺台上暈低，仲有食少少零食朱古力補充熱量。（有咩方法備戰？）依家晚晚都會敷mask，同埋會聽鄭丹瑞教路，話講嘢好似唱歌咁，要有自己嘅節奏，覺得自己放鬆咗講嘢有進步。」冇問家姐張寶兒攞選美秘訣10號張寶欣要亦表示是根據營養師意見減磅，並沒有節食。問到有甚麼方法備戰？她笑說：「最緊要係均衡飲食，依家綵排都有練舞同口才。（姐姐張寶兒有冇傳授選美秘訣？）冇呀，依家由朝到晚都要綵排，有時間都攞去瞓覺，我覺得最緊要睇臨場發揮。」