【獨家】張寶兒背袁偉豪去書店偷食

張寶兒出完活動唔係去搵男友袁偉豪。

無綫小生袁偉豪（Ben）早前被爆秘撻港姐「友誼小姐」張寶兒（Bowie），事後Ben大方認愛，雖然他表示自己未過試用期，大家仍在了解中，但Bowie的妹妹張寶欣則爆蜜運中的家姐經常甜笑，還期待家姐帶男友回家見家長。不顧儀態大啖食Bowie出席活動後便乘車返回將軍澳，但她並不是去搵男友袁偉豪陪，她下車後便急急腳往商場購買麵包，期間她與店員有講有笑，買完麵包後，她已急不及待邊行邊食，並進入了一間大型書店行逛。不過，她未有理會店門外張貼的「請勿飲食」告示，於店內邊食麵包邊睇書，期間還不顧儀態大啖大啖地食，看似相當肚餓。打足20分鐘書釘未知Bowie是否為討男友歡心，主攻一些關於心理的書籍，期間拿起一本《人性的弱點》研究，而這本書是教人如何影響他人、贏盡歡心。見Bowie左手揭書，右手就拿着包食兼夾住裝麵包的紙袋，看似十分狼狽，但即使被其他客人眼望望，她都懶理，繼續細心研究。Bowie邊食包邊「打書釘」打足20分鐘後，她獨自走回附近寓所，期間邊行邊發語音短訊，似是向男友報告行蹤！