大熱電影《鳥獸行》劇情發展意料之外！告訴你靚仔賤男往往讓人死心塌地，但令你想知渣男賤女一定會有的下場～！

大熱電影《鳥獸行》劇情發展意料之外！告訴你靚仔賤男往往讓人死心塌地，但令你想知渣男賤女一定會有的下場～！

單睇《鳥獸行》會以為係好簡單嘅渣男賤女雙重偷食故事，但其實並非咁簡單，仲可以話係套懸疑片。而呢套戲女主角係形象清純、好有氣質嘅蒼井優演蕩女，剩係呢到已經幾有睇頭！

Photo from edkofilms

故事嘅開頭已經好似係到講緊「你的樣子如何，你的命運也必如何」，陣治（阿部貞夫飾）對關係複雜嘅十和子（蒼井優飾）死心塌地，甚至唔駛佢做嘢，包食包住，仲會畀唔少錢佢用﹐但十和子對佢都係呼呼喝喝。

Photo from edkofilms

因為就算陣治對佢幾好都好，喺十和子眼中佢都係不修邊幅、核突、點都唔會鍾意嘅男人，而觀眾望住陣治嘅行為，都會認同好難對佢呢個人有好感，同時會諗起「Your Face Your Fate」。

Photo from edkofilms

而十和子一直都掛住型仔前度黑崎（竹野內豐飾），就算之前呢個前任用暴力對待過佢都好，佢都係難以忘記，係咁睇返以前同佢嘅錄影回味過去。

Photo from edkofilms

不過之後佢遇到靚仔人夫水島（松阪桃李飾），又春心蕩漾，仲同佢雙重出軌。

Photo from edkofilms

睇到呢到就會覺得十和子好犯賤咁，明明有陣治對佢咁好，唔駛佢做嘢，佢就唔好好珍惜人地；但對佢好差、好明顯係賤到不能再賤嘅賤男前度、渣男水島，就可以得到佢芳心。

Photo from edkofilms

呢個時候就開始由暗黑出軌電影變成懸疑片。到底點解黑崎會無啦啦失蹤？同埋陣治好似對十和子痴心近似變態咁……

Photo from edkofilms

《鳥獸行》可以話係靠所有主要演員同故事結尾支撐曬嘅暗黑系電影。

電影入面好多個演員都會令你扭轉本來對佢地固有嘅印象，好似蒼井優做開脫俗純情角色，好似《蜂蜜幸運草》花本育、《花與愛麗絲》有棲川徹子等，但今次就做蕩女，仲做得幾入格，對佢真係會變成零好感。

Photo from edkofilms

阿部貞夫就做到就算明知佢好可憐都好，見住佢一路食飯，一路捽腳趾，心情都幾複雜。唔係好想認同十和子嘅想法，但又明明地咁，好矛盾嘅感覺。

Photo from edkofilms

竹野內豐演嘅都係萬人迷、浪子，但好少會見佢演打女人、利用女人到一個極致嘅人渣。當佢打十和子打到好狠，先發現原來佢做呢種角色都幾精湛。

Photo from edkofilms

Photo from edkofilms

松阪桃李都係演同平日好唔同嘅角色，睇落文質彬彬，點知……係個斯文敗類，講幾多幾甜蜜嘅說話都好，原來當中包住嘅係幾咁噁心嘅真實。

應驗埋黑崎同十和子所講，會包禮物嘅男人信唔過，同埋一知道佢畀十和子嘅禮物真實價值，會有少少想笑嘅一種黑色幽默。

Photo from edkofilms

兩個角色同樣會令你一路睇，一路鬧「正一賤男」，但又好難去同情十和子。

Photo from edkofilms

到電影最後嘅半個鐘，可能會令你估唔到個發展，同埋發現原來之前收埋咗唔少伏線，甚至可能令你會有少少眼濕濕。明明知道對方無可能會愛上自己，仍然甘願付出到難以理解嘅地步，犧牲極都唔會令到佢回頭望一眼嘅可悲。

喜歡這篇文章的朋友按個讚+分享來給我們支持 謝謝^^

參考來源