誰說一天只可食一隻蛋？日本最新研究：雞蛋高膽固醇是誤解！日日食可減肥、抗皮膚老化、防老人痴呆～

誰說一天只可食一隻蛋？日本最新研究：雞蛋高膽固醇是誤解！日日食可減肥、抗皮膚老化、防老人痴呆～

由細到大，我地都成日聽講雞蛋淨係可以食一隻，因為膽固醇好高～但係宜家竟然有研究指出，原來食蛋高膽固醇係一個誤解！而且，雞蛋入面嘅營養值其實好豐富，仲可以減肥、護肝、防老人痴呆～！

日本醫生就指出，膽固醇其實係分有好、壞功能。事實上，吸收過多嘅膽固醇的確係會因為停留喺血管壁，而導致動脈硬化，不過膽固醇亦係製造體內大約60兆個細胞嘅細胞膜必要嘅材料，所以同樣邪要適量攝取！

Photo from 《林修の今でしょ！講座》

Photo from 《林修の今でしょ！講座》

Photo from 《林修の今でしょ！講座》

之前曾經有個醫學調查，分別有1星期完全唔會食蛋、1星期有1-2日會食、1星期食3-4日、同埋幾乎每日都會食蛋嘅人嚟進行血清總膽固醇濃度比較，最後發現數值只係相差極少！

Photo from 《林修の今でしょ！講座》

原來食得多雞蛋會高膽固醇呢個說法要追溯返100年前，俄羅斯學者做咗動物實驗，將膽固醇餵畀兔仔食之後，出現咗動脈硬化症狀，就因為咁而斷定膽固醇會對人體有害。

Photo from 《林修の今でしょ！講座》

Photo from 《林修の今でしょ！講座》

但事實上，兔仔係草食性動物，身體本來就唔具備分解膽固醇嘅功能，所以因為無法分解，而引致動脈硬化症狀，但對人體其實冇咩影響。經過100年咁，呢個說法已經被固定化，要推翻變得好難。

Photo from 《林修の今でしょ！講座》

咁其實一日可以食幾多隻蛋呢？醫生就話由飲食當中攝取膽固醇嘅限制目標數值其實係冇上限～因為飲食而導致血液膽固醇量提高嘅說法，原來係無科學根據！即使你食雞蛋，其實血液膽固醇值都唔會有變化。不過醫生都建議大家一日食三隻雞蛋係最適量，咁就可以保持飲食平衡。

Photo from 《林修の今でしょ！講座》

可活化大腦

另外蛋黃當中含有稱為膽鹼嘅物質，可以有效減低腦退化症嘅發病機率。而日本有好多雞農會會用沙甸魚製成DHA含量豐富嘅魚粉，再餵比雞隻食，DHA嘅營養值就會轉移到雞蛋入面，而DHA可以有效提升認知能力、專注力、計劃同解決問題技巧，對個腦好有益！

Photo from 《林修の今でしょ！講座》

有減肥效果

根據最新研究指，蛋白蛋白質仲具有減肥效果～唔單止可以幫助燃燒脂肪，仲可以有效抑制脂肪喺肝臟形成，最新嘅動物實驗仲指出蛋白蛋白質有助對抗代謝症候群，可以幫助肌肉形成。

Photo from 《林修の今でしょ！講座》

但話說話叫蛋白蛋白質，但蛋黃都好緊要，調查發現，相比只係食蛋白，食全蛋營養會更加豐富，肌肉嘅合成反應比起只食蛋白高出30％！因為蛋黃含有豐富嘅維他命D，食全蛋就可以有效地防止肌肉老化。

Photo from 《林修の今でしょ！講座》

食雞蛋嘅最佳方法

1.同米、麵等糖質一齊攝取(糖尿病患者需徵求醫生指示)

2.運動後先食

日本人就好鍾意用生雞蛋拌飯，不過原來佢地嘅食法係好講究嫁！正確食用的話仲可以防止皮膚同埋頭髮老化！因為蛋黃當中含有嘅生物素對皮膚同髮質好好，但蛋白之中含有嘅抗生物素蛋白會妨礙生物素嘅吸收，所以將雞蛋打勻係會令營養流失！

Photo from 《林修の今でしょ！講座》

而蛋白中含有嘅抗生物素蛋白會被熱力破壞，所以飯量夠多就可以產生足夠嘅熱力，更加容易去破壞抗生物素蛋白，保留番蛋黃嘅營養值。營養師就推薦用紫菜做生雞蛋拌飯嘅topping，因為雞蛋冇食物纖維同埋維他命C，紫菜正好可以補充營養。

喜歡這篇文章的朋友按個讚+分享來給我們支持 謝謝^^

參考來源